মিঠাপুখুৰী মধ্য অসমীয়া বিদ্যালয়ত সাহিত্যৰ মনোজ্ঞ অনুষ্ঠান, উন্মোচন ‘ভগ্ন হৃদয়ৰ উচুপনি’ : শিক্ষক নিৰাজউদ্দিন আহমেদৰ সংকলিত গ্ৰন্থ উন্মোচন কৰিলে গড়গাঁও মহাবিদ্যালয়ৰ অধ্যক্ষ ড° সাব্যসাচী মহন্তই

নাজিৰা, ৩ ছেপ্টেম্বৰ : শিৱসাগৰ জিলাৰ নাজিৰাৰ মিঠাপুখুৰী মধ্য অসমীয়া বিদ্যালয়ত এক মনোজ্ঞ সাহিত্যিক পৰিৱেশৰ মাজত অনুষ্ঠিত হয় গ্ৰন্থ উন্মোচনী সভা। বিদ্যালয়খনৰ ‘মায়াবিনী প্ৰেক্ষাগৃহ’ত আয়োজিত অনুষ্ঠানত শিক্ষক তথা সাহিত্য চৰ্চাৰ সৈতে জড়িত নিৰাজউদ্দিন আহমেদৰ সংকলিত গ্ৰন্থ ‘ভগ্ন হৃদয়ৰ উচুপনি’ আনুষ্ঠানিকভাৱে উন্মোচন কৰা হয়।

গ্ৰন্থ উন্মোচন কৰে ড° সাব্যসাচী মহন্ত

অনুষ্ঠানত ‘ভগ্ন হৃদয়ৰ উচুপনি’ গ্ৰন্থখন আনুষ্ঠানিকভাৱে উন্মোচন কৰে গড়গাঁও মহাবিদ্যালয়ৰ অধ্যক্ষ ড° সাব্যসাচী মহন্তই। গ্ৰন্থ উন্মোচনক কেন্দ্ৰ কৰি মায়াবিনী প্ৰেক্ষাগৃহত এক সাহিত্যিক আৰু বৌদ্ধিক পৰিৱেশৰ সৃষ্টি হয়।

নিৰাজউদ্দিন আহমেদৰ সাহিত্য সাধনাৰ আন এক সংযোজন হিচাপে প্ৰকাশ পোৱা ‘ভগ্ন হৃদয়ৰ উচুপনি’ৰ উন্মোচনী অনুষ্ঠানত শিক্ষা আৰু সাহিত্য জগতৰ সৈতে জড়িত বহুকেইগৰাকী বিশিষ্ট ব্যক্তি উপস্থিত থাকে।

শিক্ষকতাৰ সমান্তৰালভাৱে নিৰাজউদ্দিন আহমেদৰ সাহিত্য চৰ্চা

উল্লেখযোগ্য যে, মিঠাপুখুৰী মধ্য অসমীয়া বিদ্যালয়ৰ শিক্ষক নিৰাজউদ্দিন আহমেদে শিক্ষকতাৰ দায়িত্ব পালনৰ সমান্তৰালভাৱে দীৰ্ঘদিন ধৰি সাহিত্য চৰ্চাৰ সৈতেও নিজকে জড়িত কৰি আহিছে। ইয়াৰ পূৰ্বেও তেওঁ বহুকেইখন গ্ৰন্থ সংকলন কৰি সাহিত্যৰ ক্ষেত্ৰখনলৈ নিজৰ অৱদান আগবঢ়াইছে।

তেওঁৰ এই সাহিত্যিক যাত্ৰাৰ ধাৰাবাহিকতাত ‘ভগ্ন হৃদয়ৰ উচুপনি’ গ্ৰন্থখনৰ সংযোজনে স্থানীয় সাহিত্য চৰ্চাৰ ক্ষেত্ৰখনতো বিশেষ তাৎপৰ্য বহন কৰিছে।

শিক্ষাবিদ-সাংবাদিকসহ গণ্যমান্য ব্যক্তিৰ উপস্থিতি

গ্ৰন্থ উন্মোচনী অনুষ্ঠানত উন্মোচক তথা গড়গাঁও মহাবিদ্যালয়ৰ অধ্যক্ষ ড° সাব্যসাচী মহন্ত, গড়গাঁও মহাবিদ্যালয়ৰ অধ্যাপক অনিল তাঁতী, সুৰজিত শইকীয়া, জ্যেষ্ঠ সাংবাদিক বিপিন হাজৰিকাৰ লগতে শিক্ষা, সাহিত্য আৰু সমাজ জীৱনৰ সৈতে জড়িত বহুতো গণ্যমান্য ব্যক্তি উপস্থিত থাকে।

মিঠাপুখুৰী মধ্য অসমীয়া বিদ্যালয়ৰ মায়াবিনী প্ৰেক্ষাগৃহত অনুষ্ঠিত এই গ্ৰন্থ উন্মোচনী সভাই শিক্ষা প্ৰতিষ্ঠানখনত পাঠদানৰ সমান্তৰালভাৱে সাহিত্য-সংস্কৃতিৰ চৰ্চাক আগুৱাই নিয়াৰ এক ইতিবাচক বাৰ্তাও বহন কৰে।